Manipur sorkarin MGNREGS fund pe chhuak

Manipur sorkar chuan nimin khan Mahatma Gandhi National Rural Employment Gurantee Scheme (MGNREGS) hnuaia hnathawkte hlawh tur, Rs vbc 406.49 a pe chhuak.

State sorkar hian sorkar laipuiin he scheme kalpuina tura a sum sanction, Rs vbc 756 chu a pechhuak kim ta tih a tarlang.

Nikum June thla khan ministry of rural development and panchayati raj chuan Manipur-a MGNREGS kalpuina tur hian Rs vbc 756 a sanction a ni.

Nimina state sorkarin fund a pek chhuah zinga Rs vbc 31.35 chu Bishnupur district tan pek niin, Chandel tan Rs vbc 9.76, Churachandpur tan Rs vbc 53.10, Imphal East tan Rs vbc 67.20, Imphal West tan Rs vbc 38.36, Jiribam tan Rs vbc 12, Kakching tan Rs vbc 19.27, Kamjong tan Rs vbc 11.30, Kangpokpi tan Rs vbc 22.83, Noney tan Rs vbc 11.36, Pherzawl tan Rs vbc 6.55, Senapati tan Rs vbc 34.18, Tamenglong tan Rs vbc 11.20, Tengnoupal tan Rs vbc 27.04, Thoubal tan Rs vbc 25.56 leh Ukhrul tan Rs vbc 25.38 pek a ni.