Manipur sorkarin forest guard-te hnenah silai hlan

Manipur sorkar chuan forest area humhalh leh venhimna hna thawktu, forest guard-te hnenah silai, pump action rifle leh double barrel rifle a hlan.

State sorkar hian forest area venghimtute hman tur hian silai 100 a lei a, heng zinga 49-te chu basic arms training zo tawh forest guard-te hnenah hlan ani tih forest minister Th Biswajit chuan a sawi. A bak la sem lohte pawh hi forest guard training la nei mekte'n an zawhfel hunah hlan an ni ve leh ang.

Minister chuan kum 2019, January aṭanga 2023, January inkarah an state-a reserved forest area, hectare 14,699.04-a zau a kang tih sawiin, kangmei chhuak zinga 95% chu tihpalh thil ni loa mihringte thlen a ni, a ti.

Thawhlehnia sorkarin rifle a semte hi Central Forest division, Parks and Sanctuary, Kangpokpi, Churachandpur, Thoubal, Bishnupur, leh Chandel forest division-te an ni.