PM Modi-a'n Assam minister-te meeting neihpui

Prime minister Narendra Modi chuan Thawhlehni khan Assam council of minister-te meeting a neihpui a, state chhunga department hrang hrang hnathawkte bakah project thawh mek chungchangte an sawiho.

Meeting hi Koinadhora state guest house-ah neih a ni a, darkar hnih dawn hun an hmang a ni.

PM Modi hi hmarchhak state pathum - Meghalaya, Nagaland leh Tripura sorkar lakluhna hmanpui turin a zin a, Thawhlehni khan Meghalaya leh Nagaland sorkar lakluh inkhawmah telpuiin, nimin khan Tripura sorkar lakluhnaah a telpui leh bawk. Modi hian nimin Tripura sorkar lakluhna hun a hmanpui hma hian Agartala-ah road show a nei hmasa bawk.