Assam sorkarin vawk leh ar lakluh khap

Assam sorkar chuan ram chhung hmun ṭhenkhata bird flu leh African Swine Fever (ASF) leng vangin state dang aṭanga vawk leh ar lakluh a khap. Inrinni liam ta aṭang khan he khapna hi hman ṭan a ni.

State sorkarin thuchhuah a siamah, Jharkhand leh Bihar-a avian influenza a len nasat avangin, an state leh hmarchhak hmun dangah he hri hi a darh tur venna atan lakluh khap a ni tih a sawi. He khapna hian state chhung district hrang hrangten an inlakluh tawn sakna erawh a huam tel lo.

State animal husbandry and veterinary minister Atul Bro chuan an state-ah hun eng emaw chen ASF chu hmuh a ni tawh lo a, mahse state dangah he hri hmuh a la nih avangin fimkhur a ngai hle tih a sawi. "Assam leh hmarchhak state dangah vawksa kan ei nasa a, Punjab leh Haryana aṭangin vawk hi kan lalut nasa hle a ni," tiin hri len palh leh venthawn thilah he khapna hi siam a ni tih a sawi.

Nikum khan Assam-a district 22-ah ASF hi lengin, vawk 40,40,482 vel an thi a ni.