Assam-ah Southeast Asia-a cancer research institute lian ber din dawn
South Asia-a cancer research institute lian ber tur chu Assam-ah din a ni dawn tih official-ten an sawi.
Cancer facility hi state khawpui, Guwahati khaw dai, Kamrup rural district-a Amingaon area-ah din a ni ang.
Assam health department official-te chuan he centre hi din a nih hun chuan, khawvel huap research hub-ah hmarchhak bial chu a lang ve thei dawn a ni, an ti.
Centre dinna tur project design leh road map-te chu Assam sorkar hnuaia medical education and research department buatsaihin mithiamten sawiho a ni. He workshop-ah hian AIIMS, IIT Guwahati, Gauhati Medical College Hospital baka medical institution lar tak taka professor-te an tel a, khawvel huapa oncologist lar Dr D Nori chuan a telpui bawk.
Medical education and research department-a commisisoner, Siddhart Singh chuan project design chungchang sawiho tur hian consultative session eng emaw zat neih a ni dawn tih a sawi. He centre din turah hian naupang cancer veite enkawlna turin paediatric oncology hospital bakah, child cardiology wing pawh siam tel tum a ni, a ti.