May thlaah 2000MW Subansiri Lower HE project zawh tum

Arunachal Pradesh-a Gerakamukh, Lower Subansiri-a MW 2000 pe chhuak thei tur, Subansiri Lower Hydro-electric project thawh mek chu kumin May thlaah zawhfel a,June thla aṭanga hman theih beisei a ni.

Arunchal Pradesh deputy chief minister Chowna Mein chuan project thawh mek hi kar liam ta Inrinni khan a tlawh a, MLA-te Balo Raja, Tarin Dakpe, Taniya Soki leh Rode Bui te, Power department secretary Ajay Misht leh CE DHPD RK Joshi-ten an ṭawiawm.

Project thawktu, National Hydroelectric Power Corporation (NHPC) official-te chuan Deputy CM hnenah hna thawk mekah 86% zawh a ni tawh tih lo hrilhin, May thlaah zawhfel a, June thlaah chuan unit pahnih, MW 250 ve ve pechhuak thei tur chu hman theiha peih an tum tih an lo hrilh.

He project hi zawh a nih hunah chuan Arunachal Pradesh hian 12% power a thlawnin a dawng thei dawn a, heta ṭang hian kumtin Rs vbc 440 vel an lalut thei dawn a ni. Chowna Mein hian NHPC senior official-te chu meeting a neihpui nghal bawk a ni.