Helpawl nena inkahhai puan aṭangin Manipur sorkar inhnukdawk

Manipur sorkar chu Kuki helpawl pahnih, Kuki National Army (KNA) leh Zomi Revolutionary Army (ZRA) nena inkahhai puanga inremna an siam mek aṭangin a inhnukdawk.

Kum 2008, central-a prime minister hlui Manmohan Singh kaihhruai United Progressive Alliance (UPA) sorkar a din laiin, sorkar laipui leh Manipur state sorkar chuan Manipur-a Kuki-Chin-Mizo helpawl 25-te chu inkahhai, Suspension of Operations (SoO) agreement an lo ziahpui a ni. Inremna an ziahpui zingah hian KNA leh ZRA pawh hi an tel. Hemi hnu hian inremna siamte hi a khat tawkin pawhsei zel a ni a, heng pawl hrang hranga member-te pawh sorkarin Churachandpur, Kangpokpi, Tengnoupal leh Chandel district-a desginated camp a siamah an khawsa mek a ni.

State cabinet-in SoO inremna aṭanga inhnukdawk tura thutlukna a siam hi sorkar laipui pawh hriattir a ni dawn tih an sawi a, Kuki Revolutionary Army (KRA) nena inkahhai puan aṭang pawhin state sorkar chu inhnuhdawh a tum tih an sawi bawk.