Sikkim-ah thlawhtheihna service chhunzawm tir

Sikkim-a Pakyong airport-ah Thawhlehni aṭang khan thlawhtheihna service chhunzawm tir a ni leh ta.

Official-te chuan nikum October thla aṭanga thlawhtheihna service tihtawp a nih hnuah, Thawhlehni khan service hi chhunzawm leh ṭanin, Spicejet thlawhtheihna a thlawk lehṭan tih an sawi.

Spicejet thlawhtheihna hi Thawhlehni khan Delhi aṭangin passenger 12 phurin Pakyoing airport-ah a ṭum a, heta ṭang hian passenger 43 phurin Delhi lam a pan leh nghal a ni. March 26 aṭangin regular flight service kalpui leh ṭan a ni ang.

Nikum October thlaa flight service tihtawp a nih hma khan, Spicejet hi Pakyong aṭangin Delhi leh Kolkata-ah nitin a service ṭhin. Service tihtawp hian state mipuite zin veivah kawngah leh, tourism industry thlengin a tuar avangin chief minister Prem Singh Tamang chuan Directorate General of Civil Aviation (DGCA) hnenah flight service chhunzawm tir tur hian ngenna pawh a lo thlen tawh bawk.