Manipur-in Krishi Karman Award dawng

Manipur chu kum 2017-18 chhunga Overall Food-grain Production Category-III ah best-performing state-ah thlan a ni a, Krishi Karman Award hlan a ni. 

Award hi Ningani khan Government Pre-University College, Tumakuru, Karna­taka-ah hlan a ni a, state sorkar aiawhin chief minister N Biren Singh leh Agriculture minister V Hangkhanlian, Commi­ssioner (Agriculture) M Joy leh Director (Agriculture) Laltanpui-ten an dawng. He award hian trophy, citation leh pawisa fai cheng vaibel­chhe nga a keng tel a ni. 

Kum 2017-18 chhung khan Manipur hi buh leh pulse 2,570 Kg/ha leh 960 Kg/ha a tharchhuak a, rampuma tharchhuah chawhrual 2,475 Kg/ha leh 779 Kg/ha-te a khum a ni. PM chuan he award hi hlanin, hemirual hian PM Kishan 3rd instal­lment a pechhuak nghal  bawk.  Award semna inkhawmah hian state hrang hranga governor leh chief minister-te bakah union minister-te an tel ṭha hle.