AP documentary film-in Paris film festival atan nomination hmu
Arunachal Pradesh-a tribal hnam chi khatin sava vang tak an humhalh dan documentary film siam chu kumin December thlaa Paris-a envirnoment film festival neih tur atan nomination pahnih a hmu.
Minute 29 awh, he documentary film hi 'Wildlife Our Lifeblood' tih a ni a, a director leh producer hi politician-turned-filmmaker Nawrsh Glow a ni. December thlaa 15th International Wildlife Conservation Documentary Film Festival neih turah best film leh best director category-ah nomination hi a hmu a ni. Hei bakah hian Kuala Lumpur Eco Film Fest, 2020-a screening neih tur zingah thlan tel a ni bawk.
He documentary-ah hian Tenga Valley, West Kameng district-a Singchung khuaa Bugun hnamten sava vang tak, 'Bugun Liocichla' bird awmna, square km 17-a zau Singchung Bugun Village Community Reserve an humhalh dante tarlan a ni. He sava hi International Union for the Conservation of Nature chuan sava vang tak, a mang mai hlauhawm zingah a chhiar tel tawh a ni.