Assam-in Financial Year 2022-23 kal mekah zu chhiah aṭangin Rs vbc 3,500 chuang hmu tawh

Assam sorkar chuan kum 2016 aṭang khan zu zawrhna, outlet leh bar-ah license 757 pe chhuak tawhin, financial year 2022-23 kal mekah February thla thlenga zu chhiah aṭanga an sum hmuh hi Rs vbc 3,548,31 a tling tawh tih a sawi.

State assembly session neih meka Congress MLA Basanta Das zawhna ziaka a chhannaah, excise minister Parimal Shuklabadya chuan Assam-a BJP sorkar hmasak zawk, kum 2016 aṭanga zu zawrh phalna, license pek chhuah hi bar 390, foreign liquor shop 14 leh Indian liquor shop 353 a nih tawh thu a sawi. Heng bakah hian kum sarih liam ta chhungin village area-a bar 408-te chu foreign liquor shop-ah siam an ni tih a sawi bawk.

Minister chuan kum 2016-17 khan excise revenue a an hmuh hi Rs vbc 1,433.01 a ni a, hetih lai hian financial year hman mekah February thla thlenga an sum hmuh chu Rs vbc 3,458.31 a tling tawh tih a sawi.

Kumtin zu chhiah aṭanga sum hmuh hi a pung chho zel tih sawiin, kum 2017-18 ah Rs vbc 1,699.36, 2018-19 ah Rs vbc 2,204.15, 2019-20 ah Rs Rs vbc 2,606.68, 2020-21 ah Rs vbc 2,977.61 leh, 2021-22 ah Rs vbc 3,047.98 an hmu a ni.

Shukklabadya chuan The Assam Excise Act chu kum 2018-ah siamṭhat a nih thu leh, non-bailable section siam tel a nih thu a sawi. He dan siamṭhat hnu hian dan loa zu zuar case 69,498 ziahluh ni tawhin, mi 18,634 man an ni tawh bawk a ni, a ti.