Assam FM Ajant Neog-in state budget 2023-24 pharh

Assam finance minister Ajant Neog chuan nimin khan state budget 2023-24 a pharh a, state budget a pharh ṭum hnihna a ni. Budget thara sum indaih lohna tur hi Rs vbc 935.23 a tling.

Finance Minister Neog chuan sorkar department hrang hrangah thawktu lak thar an ni dawn tih a sawi a, hei bakah hian micro-entrepreneurship kalpuina turin fund dah a ni tih a sawi bawk. Chief minister Himanta Biswa Sarma kaihhruai BJP sorkar hnuaiah department hrang hrangah ṭhalai 42,000 te chu hna pek a ni tawh a, a bak 18,000 pawh lak leh thuai a ni dawn tih a sawi.

Ṭhalai hna nei lo nuai hnih chuangte chu hna siamtu zawk an nih theihna atana puihna turin, sorkar chuan private sorkar-a self-employment kalpuina tur “Ashtadash Mukutar Unnoyonee Maala scheme” a siam a, hemi atan hian kum thum chhungin Rs vbc 5,000 a invest dawn tih Minister chuan a sawi bawk.

Neog chuan 2021-22-a GSDP Rs vbc nuai 3.93 chu financial year tharah chuan Rs vbc nuai 5.5-ah ṭhang tura chhut a ni tih a sawi.