Tripura MLA thlan tharte lalut

Tripura MLA thlan thar zinga 44-te chu Ningani khan rinawmna thu tiamtira lakluh an ni a, vawiin hian a bak mi 15-te chu lakluh an ni leh ang.

Protem speaker Binoy Bhusan DAs-an MLA tharte hi a lalut a ni. MLA lakluh-te hi BJP MLA 30, IPFT MLA pakhat, Congress MLA pahnih leh CPI(M) MLA 11 an ni. An zingah hian chief minister Manik Saha pawh a tel. Vawiina lakluh turte hi Congress MLA pakhat leh Tipra Motha MLA 13 an ni.

Das chuan Assembly thara session hmasa ber chu March 24 aṭangin neih ṭan a ni dawn a, session ṭanni hian speaker leh deputy speaker thlan a ni dawn tih a sawi. Speaker-ah hian Ratan Chakraborty a awm chhunzawm rin a ni.