Manipur NIT team-te Madhya Pradesh-ah zin

Manipur-a National Institute of Technology (NIT) team chu Ek Bharat Shreshtha Bharat hnuaia Yuga Sangam pualin Madhya Pradesh tlawh turin nimin khan an zinchhuak a, chief minister N Biren Singh-a'n a vailiam.

Yuga Sangam hi prime minister Narendra Modi-a'n hmarchhak bial ṭhalai leh India ram hmun danga cheng ṭhalaite inpawhna leh inhriatthiam tawnna ṭha siamna tura a hmalakna niin, Ek Bharat Shreshtha Bharat hnuaiah kalpui a ni.Yuga Sagnam hmang hian hmarchhak ṭhalai 20,000 chuang chu India ram hmun hrang hrang tlawh kual tirin, an culture an inzirtawn sak dawn a ni.

Manipur NIT teamah hian hmeichhia 12, mipa 18 bakah official 5 an tel. March 20-26 chhung thangin, Madhya Pradesh-a tourist place hrang hrangte an tlawh kual dawn a, an state hmasawn dante an zir dawn a ni. An cham chhung hian cultural exchange programe-te an hmang bawk ang.

Chief Minister Singh chuan NIT chu an zinna hmunah nungchang ṭha tak leh entawn tlaka awm tura chahin, thil te tham nia ngaih pawh hi thil pawimawh tak a ni zel tih a hrilh.

State education minister Th. Basanta Kumar Singh pawhin thu sawiin, an zinna hmunah NIT chauh ni lo, Manipur leh hmarchhak state dang aiawh an ni tih hre reng turin a chah. Manipur state hmasawnna leh, tourist spot hrang hrangte tarlang a, Madhya Pradesh mite chu Manipur state tlawh chak tura hneh ngei turin a chah a ni.