NRC phûtin Manipur zirlai pawl 7-in Amit Shah hnenah memorandum thehlut

Manipur-a zirlai pawl pasarihte chuan an state-a National Register of Citizenship (NRC) hman a ṭul thu sawiin, union home minister Amit Shah hnenah memorandum an thehlut.

Amit Shah hnena memorandum thehlutte hi - All Naga Students' Association Manipur (ANSAM), All Manipur Students' Union (AMSU), Manipuri Students' Federation (MSF), Democratic Students' Alliance of Manipur (DESAM), Kangleipak Students' Association (KSA), Students' Union of Kangleipak (SUK) leh Apunba Ireipakki Maheriroi Sinpanglup (AIMS) te an ni.

Memorandum-ah hian kum 1049-a Indian union-a Manipur chhun luh a nih hma khan pawn lam aṭanga tlawhtu leh an state-a khawsak tumte tan kaihhruaina dan khauh tak a awm thu sawiin, he dan hi kum 1950 khan hetih laia chief commissioner Himmat Singh chuan a titawp tih an sawi. Dan tihtawp a nih hnu hian pawn lam mi tam tak an state-ah an luh phah a, dan loa lutte venna tur hian NRC hi kalpui a ngai tih an sawi.