Jal Jeevan Mission hnuaiah Tripura tan Rs vbc 2,000 pawmsak

Tripura chief minister Manik Saha chuan an state-a Jal Jeevan Mission kalpuina turin sorkar laipui chuan Rs vbc 2,000 a pawmsak tih a sawi.

Chief Minister chuan prime minister Narendra Modi leh union minister for Jal Shakti Gajendra Singh Shekawat chungah ina tui thianghlim pek na tur, piped water scheme atana sum tam tham tak an pawmpsak avangin lawmthu a sawi nghal bawk.

Tripura-ah hian chhungkua 56% vel chuan mahni inah ngei tui thianghlim hi an herhhaw thei tawh a, state sorkar chuan in tinah pipe hmanga tui pek vek tum hian hma a la mek a ni.

Agartala, Rabindra Bhavan-a BJP programme a hmanpuinaah, CM Saha chuan union ministry-in kum 2023-23 atana Tripura-a Jal Jeevan Mission kalpuina tura a sum pawmsak, Rs vbc 2,000 chu kum thum kalta chhunga he mission hnuaia an sum dawn belhkhawm, Rs vbc 1,930 ai pawhin a tam zawk a ni, a ti. He sum hmang hian chhung tam zawk chuan an in chhungah ngei tui an herhhaw thei tawh dawn a ni, a ti.