Nagaland-in urban local body inthlan buatsaih ngei a tum

Nagaland sorkar chuan tribal Hoho hnam leh, urban local bodies (ULB)-ten dodal mah se,municipal council pathum leh town council 36-ah inthlan buatsaih ngei a ni dawn tih sawiin, heng inthlanah hian hmeichhiate tan 33% reservation siam a ni dawn tih a sawi bawk.

Thawhlehni khan Kohima-a State Assembly Secretariat-ah MLA thlan tharte chuan local body inthlan neih tur chungchang hi an sawiho a, meeting zawha chanchinthar lakhawmtute an kawmnaah inthlan hi buataih ngei an tum tih urban development and municipal affairs advisor Zhaleo Rio chuan a sawi.

Hetih lai hian Thawhlehni vek khan municipal council leh town council hruaitute chuan Kohima-ah consultative meeting an nei ve bawk. Meeting hi Association of Kohima Municipal Ward Panchayat (AKMWP), All Ward Union Mokokchung Town (AWUMT) leh Dimapur Urban Council Chairman Federation (DUCCF)-te buatsaih niin, municipal council pathum leh town council 23 aiawhte an tel. DUCCF president Zasivikho Zakiesato chuan inthlan buatsaih a nih hmain Nagaland Municipal Act 2001 ennawn a, siamṭhat an phut tih an sawi a ni.