Central panel-in Nagaland state an tlawh

Ministry of Home Affairs (MHA)-in a din, member pathum awmna panel chuan Nilaini khan Nagaland an thleng a, Eastern Nagaland bial mipuite thil phut chungchang an ngaihtuah dawn.

Central team hi MHA (Northeast) advisor AK Mishra-a'n a ho a, member dangte chu Intelligence Bureau joint director Mandeep Singh Tuli leh MHA Northeast division director AK Dhayani-te an ni.

Nilaini khan chief minister Neiphiu Rio an hmu a, Nagaland khawchhak lam biala state hran 'Frontier Nagaland' din phuttu Eastern Nagaland Peoples’ Organisation (ENPO) official-te an kawm bawk. ENPO statehood demand talk team-a an hruaitu, Lok Sabha MP hlui K Asungba Sangtam chuan, MHA panel hian Eastern Nagaland mipuite thil phut chu an ngaihtuah sak thuai an beisei tih a sawi.