AP loneitu pawlin 10,000 MW hydropower project sût turin ngen

Arunachal Pradesh-a loneitu pawl pahnih chuan Siang River-a 10,000 MW hydropower project siam tumna chu sut turin state sorkar an ngen.

Siang Indigenous Farmers’ Forum (SIFF) leh Indigenous Rights Advocacy Dibang (IRAD) chuan project hi sut a nih loh chuan, state pum huapin nawrh huaihawt an tum tih an sawi bawk.

Pawl pahnihte hian Arunachal Pradesh sorkar chuan tualchhung mite pawh rawn loin, project siamna tur hian National Hydropower Power Corporation (NHPC) chu inremna a ziahpui a ni, an ti. He project hian Siang lui kama cheng, Adi hnamte tan harsatna thlenin, an ram thlenga an chan theih dawn vangin an pawm ve ngai dawn lo tih SIFF president Tasik Pangkam chuan a sawi. Sorkar chuan he project-in a nghawng theih tur, tualchhung mite chu a hmaa berawn vekin, an ngaihdan te lain public hearing-te a nei hmasa tur a ni, a ti bawk. Tun hnaia Nepal rama United Nations Sought Asia Forum on Business and Human Rights event neihna a tel, environmental agency hrang hrangte chu Siang project sut a nih theihna atan India nawrpui turin a sawm bawk a ni.