Tripura : Ṭhutna rem danah Tipra Motha an lungawi lo

Tripura-a BJP-IPFT ṭangrual sorkar thar hnuaia legislative assembly session hmasa ber neihah, session ṭan niah eptu party lian ber, Tipra Motha member-te chu House chhunga ṭhutna rem danah lungawi loin an chhuak tau.

Tripura Assembly-a leader of opposition leh Tipra Motha MLA Animesh Debbarma chuan House chu mipuiten an aiawh tura an thlan MLA-ten democracy kalphung ang takin, mipui dikna chanvo phuta lungawi lohna an lantir theihna hmun a ni, a ti. Eptu party zingah CPIM party te chu ṭhutna ṭha tak siamsak niin, Congress party pawh a hma lamah ṭhuttir an ni tih sawiin eptu party lian ber, Tipra Motha member-te ṭhutna ṭha pek an phut tih a sawi.

Assembly inthlan neih zawh takah khan CPIM-Congress ṭangdun hian seat 11 an la a, Tipra Motha hian seat 13 lain, party malah BJP dawta seat la hnem an ni.