Assam: Tiger conservation fund President zinna tur senso atan pawtpeng

Assam-a Kaziranga National Park-a tiger conservation fund chu President hluiin an state a tlawh ṭuma mamawh leina atan dik lo taka hmangin pawhpen a ni.

RTI zawhna chhannaah, Kaziranga Park-a tiger conservation fund zinga Rs vbc 1.1 chu kum 2022 February thlaa hetih laia India president, Ram Nath Kovind-a'n Assam a tlawh ṭuma an ei tur, puanin, carpet leh mamawh dangte leina atan sorkarin a hmang tih tarlan a ni.

RTI activist Rohit Choudhury zawhna thehluh a chhannaah, Kaziranga field director office chuan President hlui, Ram Nath Kovind-a'n an state a tlawh ṭuma mamawh leina atan tiger conservation fund Rs vbc 1.1 pawhpen a nih bakah, wildlife fund aṭangin Rs nuai 51 pawhpen a ni bawk tih a sawi.

Assam forest minister Chandra Mohan Patowari chuan conservation fund pawhpen nia sawi hi a department chuan a enfiah mek tih sawiin, an chhuizui tur thu a sawi bawk.