Manipur sorkar leh AIFF-in football academy dinna tur MoU ziak

Manipur sorkar leh All India Football Federation (AIFF) chuan Manipur-a football academy dinna turin Thawhlehni khan memorandum of understanding (MoU) an ziak.

Imphal-a Khuman Lampak Stadium-a Hero Tri-Nation international football tournament kharna inkhawmah AIFF general secretary Shaji Phabhakaran leh Manipur sorkara youth and sports department director, T Phullen-ten inremna hi an ziak a, he hun hi AIFF president Kalyan Chaubey leh chief minister N Biren Singh-te pawhin an telpui a ni.

Inremna an siam angin, ṭhalaite tana sports infrastructure ṭha zawk siam a, professional footballer tam zawk chher chhuahna turin sorkar chuan hma a la dawn a ni.