AP-in hydropower siamna turin CPSU inremna ziahpui dawn

Arunachal Pradesh sorkar chuan an state-a hydropower siamna turin Central Public Sector Undertaking (CPSU) chu memorandum of agreement (MoA) ziahpui a remti.

Nilania chief minister Pema Khandu kaihhruai cabinet meeting-ah, CPSU nena inremna siam hi an remti a ni. An inremna siam hmang hian Arunachal Pradesh-ah hydroelectric projects (HEPs) panga, power MW 2820 pek chhuah thei tur siam a ni ang.

Cabinet meeting zawha Chief Minister Office-in thuchhuah a siamah, HEPs 5 siam a nih chuan an state tana investment ṭha tak leh, ṭhalai hna thawh tur eng emaw zat siamna tur a ni tih a sawi.

Project panga thawh tur atan hian kum 5-7 chhungin investment mamawh tur hi Rs vbc 40,000 chuang a ni dawn a, zawh fel a nih hnuah state sorkar chuan heng project aṭang hian kumtin Rs vbc 500 vel lalutin, heng zinga Rs vbc 100 chu local area development (LAD) atan a dah ang.

Cabinet chuan event lian pali - Arunachal Got Talent, Arunachal Idol, Miss Arunachal, leh Mr Arunachal buatsaih kum 2023-24 fiscal year-a annual calendar event-a dah a thlawp bawk a, heng event buatsaihna atana grant-in-aid a pek, Rs nuai 40 chu Rs nuai 80-ah tihpun a remti bawk.