President-in Assam a tlawh dawn

President Droupadi Murmu chuan April 6 hian ni hnih cham turin Assam state-ah a zin dawn.

Chief minister Himanta Biswa Sarma chuan President-in an state a tlawh tur thu hi sawiin, inbuatsaihna pawh kalpui nghal a ni tih a sawi.

President hian Kaziranga National Park-a ni hnih awh, 'Gaj Utsav-2023' neih tur chu a hmanpui dawn a, April 6 hian telpuiin, jeep leh elephant safari a nei nghal dawn a ni. He festival hi kumtin buatsaih niin, kuminah hian sorkar laipuia environment and forest department leh Assam sorkar-ten an huaihawt a ni. Asiatic elephant venhim leh humhalhna tur atan leh, state chhunga sai leh mihring inkara inbeihna thleng fo tihziaawm dan ngaihtuahna tur puala buatsaih a ni.

Festival hi union forest, environment and climate change minister Bhupendra Yadav bakah, state hrang hranga forest minister leh forest department official-ten an hmanpui ang. Sai hi Schedule I of the Wild Life Protection Act, of 1972 hnuaiah national heritage animal-ah dahin, humhalh a ni.