Meghalaya MP-in hmeichhe bazar siamsak turin PM a ngen

Meghalaya-a Congress MP Vincent H Pala chuan prime minister Narendra Modi hnenah, an state-a district tinah hmeichhe bazar siamsak turin a ngen.

Manipur khawpui, Imphal-a hmeichhe hlangin dawr an nghahna bazar, Ima market/Khwairamband Keithel an siam ang chu Meghalaya-ah pawh siam ṭha a tih thu sawiin, Pala chuan PM hnenah hian mahni kutkawiha eizawng, hmeichhiate tana bazar siamsak ve tur hian a ngen a ni. Hei hian hmeichhiate sum lakluh a tihpun sak bakah, chhungkaw tan nitin khawsak leh inrelbawlna ṭha zawk pawh a siam thei dawn a ni, a ti.

Congress MP Hian East Jaintia Hills district-a Kuliang-ah bungraw lakluh leh thawnchhuah buaipuitu tur, land custom station pawh din turin a ngen bawk. Pala chuan Meghalaya kaltlanga Guwahati aṭanga Mizoram leh Tripura kalpawhna, National Highway-6 chu tilian leh cheiṭha turin a ngen bawk.