Assam court-ah thubuai tihfel loh nuai 4.5 chuang awm

Assam law minister Ranjeet Kumar Dass chuan state chhung court hrang hrangah thubuai tihfel loh nuai 4.5 chuang a awm mek tih a sawi.

Assembly session neih meka BJP MLA Chakradhar Gogoi zawhna ziaka a chhannaah, minister Dass chuan thubuai tihfel loha la awm 4,58,059 zingah hian Kamrup Metropolitan district-ah case tam berin 1,06,850 a awm a, Nagaon-ah 31,101 leh Dhubri-ah case 30,385 tihkhawtlai a la awm tih a sawi a ni. Case tam tak chinfel loha tihkhawtlai awmte chu tihfel a nih thuai theihna turin sorkar pawhin hma a la a, pawikhawihna lian tham ni loa criminal case ziahluh zinga nuai khat vel chu hnuhdawh a tum. Hei hian court-ah case ngaihtuah tur tam tak a tihtlem phah dawn a, pawikhawihna lian tham zawk chungchanga case ziahluhte ngaihtuahna hun an neih tam phah dawn a ni, a ti.

Assam legislative assembly budget session hi March 10 aṭang khan neih ṭan niin, nimin khan an zo a ni. March 16 khan finance minister Ajanta Neog chuan state budget 2023-24 a pharh a ni.