SC-in Nagaland ULB inthlan ṭhulhna thupek a 'stay'-sak

Supreme Court chuan Nagaland sorkarin hmeichhiate tana 33% reservation dah a, Urban Local Body (ULB) inthlan neih tur tih ṭhulhna thupek a tihchhuah chu a dansak.

Nagaland sorkarin ULB inthlan a ṭhulh vang hian Supreme Court-ah state sorkar lakah contempt petition thehluh a ni. Senior advocate Goln Gonsalves chuan SC hnenah hian Chief Minister remtihpuinain Election Commission in ULB inthlan tur hi a sut tih a sawi.

Justice Kaul chuan court chu inthlan hi sawnhlat a ni tur a ni lo tih a lo sawi tawh a, Election Commission chuan court thupek a bawhchhia a ni, a ti. March 13, 2023-a court thupek tihchhuahah, ULB ithlan neih tur tibahhlah tumna chu court thupek bawhchhiatna a ni tih chiang taka tarlan a ni, tiin state sorkar thiltih dan chu an pawm theih loh thu a sawi.

14th Nagaland Legislative Assembly hian tribal pawl leh organisation dang hrang hrangten an nawr hnuah, budget session neih zawh takah khan Nagaland Municipal Act 2001 chu an ṭhiat a ni. Hemi hnu hian state election commission chuan May 16-a ULB neih tur chu ṭhulh a ni tih thupek a tichhuak zui ve nghal a ni.