Covid hri len hnuah Manipur-ah rilru lam harsatna nei an pung : Minister

Manipur health & information and public relations minister Dr Sapan Ranjan Singh chuan Covid-19 hripui a len hnuah, an state-ah rilru lama harsatna nei an pung niin a sawi.

Imphal-a Regional Institute of Medical Sciences (RIMS) Jubilee Hall-a Addiction Psychiary Society of India (APSI) buatsaih, National Midterm CME (Continuing Medical Education) hawnna inkhawma thu a sawiah, Dr Ranjan Singh chuan ṭhalai tam takin ruihhlo vangin an hmalam hun ṭha tak tur an tichhia a, an state-ah ruihhlo ngai an tam chho hle tih a sawi bawk.

"Chief minister N Biren Singh kaihhruaina hnuaiah, state sorkar chuan ruihhlo do hna 'War on Drugs' a kalpui mek a ni. He hmalakna hi mitinin theihtawpa kan thlawp a ngai a ni," tiin a sawi.