Sorkar laipuiin Naga pawl 3 nena inkahhai puan pawtsei

Sorkar laipui chuan National Socialist Council of Naganad (NSCN) hnuaia pawl pathum nena inkahhai a puan chu kum khat dang a pawtsei.

National Socialist Council of Nagaland (Neopao Konyak/Kitovi) (NSCN/NK) leh National Socialist Council of Nagaland/Reformation (NSCN/R) nena inkahhai an puan chu April 28,2023 aṭangin April 27, 2024 thleng atan pawhsei a ni a, National Socialist Council of Nagaland /K-Khango nena inkahhai puan chu April 18,2023 aṭangin April 17, 2024 thleng pawhsei a ni bawk.

NSCN hi Naga nationalist leh inlakhran duhtu pawl niin, Naga mipuite rorelna hran 'Nagalim' ram din chu an tum ber a ni. Nagalim hian hmarchhak bial leh Myanmar hmarthlang lama Naga hnam chenna huam tir vek an tum a ni. NSCN-ah hian pawl lian pahnih, SS Khaplang kaihhruai NSCN-K leh Isak Chishi Swu leh Thuingaleng Muviah kaihhruai NSCN-IM an awm a, heng bakah hian pawl tenau zawk eng emaw zat an awm bawk.

Kum 2015-a Manipur-a army convoy an beih hnuah, sorkar laipui chuan Unlawful Acitivities (Prevention) Act hnuaiah NSCN-K chu terrorist organisation-ah puan a ni. NSCN hi ministry of home affairs chuan insurgent group-ah a dah bawk a ni.