Tripura-ah Bangladesh, India leh Japan-in connectivity event nei dawn

Bangladesh, India leh Japan chuan ram pathumte inkalpawhna ṭha leh hmarchhak bial nena insumdawn tawn dan chungchangte ngaihtuahin, vawiin leh naktuk hian Tripura-ah connectivity event an nei dawn.

He event hi Northeast India-a think tank, Asian Confluence leh ministry of external affairs-in an buatsaih a ni. Bangladesh aiawhin an ram foreign affairs minister Md Shahriar Alam a tel dawn a, India aiawhin deputy foreign minister leh Japan aiawhin India rama Japan ambassador an tel bawk ang.

Asian Confluence hian tun hnaia zirchianna a neih hnuah, India hmarchhak bial leh Bangladesh inkarah inkalpawhna hrang hrang ṭha zawk siam a, hmarchhak bial aṭanga Chattogram Port-a bungrua thawnna tur corridor siamte a rawt a ni. Hei bakah hmarchhak bialah Japan lamin investment tam zawk an tih theihna tur Japan-Northeast India Chamber of Commerce din te, sumdawngte puihna tura Northeast India-Bangladesh-Japan CEO Forum dinte a lo rawt tawh bawk.