Manipur-ah hmeichhe puala Sainik School dinna tur ram nei tawh

Manipur chief minister N Biren Singh chuan an state-a hmeichhe puala Sainik School dinna turin state sorkar chuan ram, acre 23-a zau a nei tawh tih a sawi.

Hmeichhe tana Sainik School siam tur hi Bishnupur district-ah din a ni dawn a, kum 102 chhungin a sak hna hi zawh fel hman tum a ni tih CM chuan a sawi bawk. Manipur hian an state khawpui, Imphal-ah Sainik School pakhat an nei sa tawh bawk a ni. He hmun aṭang hian Army officer tam tak an chhuak tawh a ni.

CM Singh chuan thla hmasaa Imphal-a ex-servicemen rally neih ṭumin hmeichhiate chauh luh theihna tur Sainik School din a ni dawn tih a lo puang tawh a ni. Prime minister Narendra Modi leh defence minister Rajnath Singh-te kaihhruaina hnuaiah he ruahmanna hi kalpui a nih thu a sawi.