Assam-in Bangladesh, Nepal leh Bhutan-ah methanol thawnchhuak dawn

Assam sorkar chuan tun thla aṭang hian Bangladesh, Bhutan leh Nepal ramah methanol a thawnchhuak dawn.

Chief minister Himanta Biswa Sarma chuan press conference a neihah hei hi sawiin, April 14 hian prime minister Narendra Modi chuan virtual hmangin Dibrugarh district-a Namrup hmuna Assam Petrochemicals Ltd (APL) methanol plant chu a hawng dawn tih a sawi bawk. Inremna ziah fel hunah methanol thawnchhuah tur zat hi chu an la tichiang dawn tih sawiin, Bangladesh chuan an duh zat pawh an sawi tawh niin APL managing director Rajnish Gogoi chuan a sawi bawk.

APL hi India rama natural gas hmanga methanol plant siam hmasak ber niin, APL hnuaiah hian Assam sorkar chuan share 51% neiin, Oil India Limited (OIL) in 49% share a nei ve thung. Namrup-ah hian company enkawlna hnuaiah 100TPD methanol leh 125TPD formalin plant hi siam a ni. APL hian kum 2017, October 3 khan expansion programme kalpui bawkin, Namrup-ah 500 TPD methanol plant leh Bongaigaon district-a Botamari-ah 200 TPD formalin plant siamna project, Rs vbc 1,708 sengin a thawk leh a ni. 500 TPD methanol plant siam zo in, enchhin a ni tawh a, 200 TPD formalin plant hi November thlaah hawn theih beisei a ni.