Singtam buaina chhuaka bultumtu ber chu CM a ni : Bhaichung Bhutia

Humro Sikkim Party (HSP) hotu Bhaichung Bhutia chuan Singtam-a rally neihna hmuna buaina chhuak chungchangah, a bultumtu ber chu Sikkim chief minister PS Tamang niin a puh.

Kar liam ta Inrinni khan joint action council (JAC) chuan Singtam-ah rally an huaihawt a, mi tu tih hriat loh ṭhenkhatin rally neihna a telte hi beiin, JAC hruaitute kut an thlak zui bawk. Buaina chhuaka kut tuartu pakhatin HSP hruaitu Kedarnath Tewari lakah FIR thehlutin, police-ten an man a ni.

Bhutia chuan Singtam-a buaina chhuak chungchanga CM Tamang ngawihna chhan chu a bultumtu a nih vang a ni tiin, police-te pawh sorkarin a duh ang a thunun mai theih an ni tih a sawi bawk.