Arunachal Pradesh hi India ram a ni reng ang : EAM

China-in Arunachal Pradesh-a union home minister Amit Shah zin sawisel a, demna thu a tihchhuah chu external affairs ministry chuan chhang letin, Arunachal Pradesh chu India ram a ni reng dawn tih a sawi.

Ministry thupuangtu Arindam Bagchi chuan China-in AP-a Indian official-te zin a lo dodal ngawt chu an pawm lo tih sawiin, anni an lo dodal hian thu dik awmsa a tidanglam chuang lo a ni, a ti.

Bagchi chuan, "Chinese official thusawi hi kan hnawl nghal a ni. India ram hruaitute chuan state dang an tlawh ang bawkin Arunachal Pradesh state pawh an tlawh a ni. Arunachal Pradesh chu India ramchhung a ni a, a ni reng bawk ang," tiin a sawi.

Amit Shah-a'n Arunachal Pradesh a tlawh chungchangah, Thawhṭanni khan China foreign affairs ministry thupuangtu Wang Wenbin chuan China-in a ram chhung a beihna bawhchhiatsakah a puh. AP chu China ram chin a nih avangin Indian official-ten an tlawh ṭhin chu an dodal tih a sawi a ni.