Manipur-ah biak-in pathum tichhia

Manipur-a Imphal East district-ah biak in pathum chu sorkar ramah dan loa sak nia sawiin, Thawhlehni khan tihchhiat an ni.

Security mi leh sa eng emaw zatin an venna hnuaiah, Tribal Colony-a biak-inte hi tihchhiat a ni. Biak-in tihchhiatte hi - Evangelical Baptist Convention Church, Evangelical Lutheran Church Manipur leh Catholic Holy Spirit Church-te an ni.

Thuneitute biak-in an ṭhiahsak lai hian Kristian eng emaw zat chu an biak-in bula kalkhawmin ṭawngṭaina hunte an hmang a ni. Kohhran hruaitu pakhat chuan biak-in sak hi mimal emaw, pawl emawin an hlawkna tura an tih a nih loh avangin, state sorkar chuan ṭhiahsak kher lo se an duh tih a sawi.

Manipur-ah hian Kristian sakhaw zuitu hi 41% chuang hret an awm a ni.