Sorkar laipui leh NSCN-IM ten inbiakna an chhunzawm

Sorark laipui leh Naga helpawl lian ber, National Socialist Council of Nagaland (Isak Muivah) (NSCN-IM) chuan remna zawnga inbiakna chu nimin khan Dimapur-ah an chhunzawm.

Sorkar laipuiin palai atana a ruat, AK Mishra leh NSCN-IM aiawh, Thungaleng Muviah kaihhruaite chu Dimapur-a Chumou­kedima police complex-ah an inbia a ni. Sorkar leh NSCN-IM hian kawng tam takah inbiakremna nei thei mah se, NSCN-IM in Naga flag leh constitution hran an phutna chu sorkar laipui lam hian a pawmpui thei lo a ni. Inbiakna hi New Delhi-ah an la neih chhunzawm leh ang.

NSCN-IM leh sorkar laipui hian kum 1997 khan inkahhai thuthlung an lo ziak tawh a, hemi hnu hian inremna kawng zawngin inbiakna ṭum tam tak an nei tawh a, mahse inremna mumal tak erawh tun thlengin an la siam thei lo.

AK Mishra hian Naga national political groups (NNPGs) leh Naga civil society group hrang hrang aiawhte hmu bawkin,Naga political issue chinfel a nih thuai theih dante an sawiho a ni.