Manipur-ah BJP-in house-to-house campaign nei ṭan

Kum 2024 Lok Sabha inthlanpui neih tur atana inbuatsaihin, BJP chuan Manipur state-ah Pathianni aṭang khan house-to-house campaign an ṭan.

Manipur-a BJP dinhmun a bulṭhut aṭanga sawhnghetna turin, Pathianni vek khan chief miniter N Biren Singh chuan state level training programme, Booth Sashaktikaran Abhiyan (Booth Empowerment Campaign) chu Imphal-a Jawaharlal Nehru Dance Academy-ah a hawng a ni. CM chuan, he programme hmang hian polling station-a an chak tawk lohnaahte ṭan la in, mipuite pawh vote thlak ṭha tura fuih an ni dawn tih a sawi.

House-to-house campaign hi Imphal East district-a Khundrakam assembly constituency aṭangin ṭan a ni. Union minister of state for external affairs and education Dr RK Ranjan-a'n campaign hi Sambei khuaah a hawng a ni. Sambei community hall-ah vantlang inkhawm buatsaih a ni bawk a, union minister chuan nakkum inthlanpui neih hunah BJP bawkin sorkarna an chang leh dawn tih a sawi a ni.