Assam tlawhtu khualzin 575% in an pung

Assam chief minister Himanta Biswa Sarma chuan kum 2022-23-ah an state tlawhtu khualzin chu 575% zetin an pung tih a sawi.

Guwahati bul Sonapru-a tourist resort a hawnaah, CM chuan financial year 2023 chhunga Assam tlawhtu khualzin chu vaibelchhe 1 an chuang a, a kum hmasa lam aia a punna hi 575% a tling a ni, a ti.

Assam Tourism Development Corporation MD Padmapani Bora chuan kum 2021-22 khan ram chhung aṭangin khualzin tlawhtu mi nuai 17.5 vel an awm tih sawiin, hmarchhak bialin khualzin tlawhtu a neih mi maktduai 11.8 zinga maktduai 10 vel chu Assam state tlawhtu an ni, a ti. Hei hian khualzinten Assam state an ngaihven chhoh zel zia a tilang niin a sawi.

Khualzin tam zawk hip luhna turin sorkar lam pawhin theihtawp a chhuah zel a, state tourism sector pawhin an website-ah an state chhunga tourist destination hrang hrangte, online booking tih dan turte pawh chipchiar takin a tarlang tih a sawi. "Khualzinte tana thiltih dan awlsam zawk siam a, state chhung boruak muanawmte chu tourism sector lamin hma a sawn phahna pakhat a ni," tiin a sawi.