Khaw lum lutuk vangin Tripura sorkarin school a khartir

Tripura sorkar chuan khaw lum lutuk avangin an state chhunga school-te chu kar khat chhung a khar.

Chief minister Dr Manik Saha chuan khaw lum lutuk-ah zirlai naupangte hriselna dinhmun chu ngaihtuah a ngai tiin, April 18-23 thleng school khar turin thupek hi a tichhuak a ni. Sorkar school-te bakah private school-te hemi chhung hian khar vek tura ngen an ni bawk.

India Meteorological Department (IMD)-in a tarlan danin, state khawpui Agartala-ah hian khaw lum lam hian 39 degree Celcius a thleng a, 40 degree pawh a thleng chho thei dawn niin a sawi. Ni nga chhung chu khaw lum hian ziaawm lam a la pan dawn lo niin a tarlang bawk.