Assam-AP ramri chungchangah MoU ziak thuai dawn

Assam leh Arunachal Pradesh sorkar chuan ramria buaina an neih chinfelna turin memorandum of understanding (MoU) an ziak thuai dawn tih Assam minister Atul Bora chuan a sawi.

Minister chuan Assam hian MoU draft an siam fel tawh a, AP sorkar-in a lo en leh pawmpui turin an pe thuai dawn tih a sawi bawk. AP lamin an lo pawmsak chuan, April 20-ah emaw, hemi nia an hman chiah loh pawhin tun thla chhung ngeiin MoU hi state pahnite chuan an ziak dawn a ni, a ti. MoU ziahnaah hian union home minister Amit Shah chuan a telpui dawn tih a sawi bawk.

State pahnihte hian ramri chungchanga buaina a neihte chinfel dan ngaihtuahin, inbiakna an nei reng a ni. Nikum July 15 khan Assam chief minister Himanta Biswa Sarma leh Arunachal Pradesh chief minister Pema Khandu-te chuan inremna siam thuai intiam in, Namsai Declaration an siam.

Assam leh Arunchal Pradesh inrina hi km 804.1-a thui a ni a, ramri chungchanga buaina an neihah hian thingtlang khua 86 a awm a ni.