Meghalaya : Khaw lum lutuk vangin April 21 thleng school khar

Meghalaya education minister-in-charge Rakkam Sangma chuan khaw lum lutuk vangin West Garo Hills district leh South Garo Hills district-a school-te chu April 19-21 chhung khar turin thupek a tichhuak.

Garo Hills-ah hian khaw lum a zual hle a, ni eng emaw chen chu khaw lum lam hian 35 degree celsius a pel tawh a ni. India Meteorological Department-in a tarlan danin, Thawhlehni khan Tura khaw lum lam chu 35.4 degree celsius niin, Resubelpara leh Baghmara-ah 37 degree celsius a kai bawk.

Thuchhuah an siamah hian khaw lumin zual lam a pan zel avangin naupangte hriselna dinhmun a ngaihtuahawm a; heat stroke, dehydration leh khaw lum kaihhnawih natna dangte an tawh palh chu venthawn a ngai tih a sawi.

April 17 khan Tripura sorkar chuan khaw lum lutuk avangin sorkar school leh government aided school zawng zawng chu April 18 aṭangin ni ruk chhung khar turin thupek a lo tichhuak tawh bawk.