Meghalaya CM-in JN Sports Complex cheiṭhat endik

Meghalaya chief minister Conrad K Sangma chuan Nilaini khan Polo, Shillong-a Jawaharlal Nehru Stadium chei ṭhat hna thawh mek chu a hmunah kalin a endik.

JN Stadium hi cheiṭhat bakah zauh a ni dawn a, natural grass turf-in football ground siam bakah, track and field event neih theihna tur pawh siam tel a ni ang. CM chuan stadium chei ṭhat hna chu zawh a nih hunah hmarchhak bialah indoor stadium lian ber a nih dawn bakah, international sporting event pawh a thleng thei tawh dawn niin a sawi.

Stadium hi mi 30,000 dawn ṭhut len theihna tur niin, a siam hna hi Decmeber thlaah zawhfel hman tum a ni.

JN Stadium-a Integrated Hospitality and Sports Complex siamna atan hian Rs vbc 125 ruahman niin, JN Sports Complex cheiṭhat thawh khatna atan Rs vbc 34.75, a thawh hnihna atan Rs vbc 18.2 leh SSA ground cheiṭhatna atan Rs vbc 14.81 ruahman a ni.

Integrated sports complex-ah hian mi 700 ṭhut theihna multi-sports hall, badminton court 12 amwna convention hall, kitchen facility awmna banquet hall, mi 200 lenna basketball indoor sports hall bakah squash leh table tennis khelhna tur indoor sports hall-te a awm tel ang.