HSP-in Sikkim-a ILP hman an phut nawn leh

Bhaichung Bhutia kaihhruai, Hamro Sikkim Party (HSP) chuan Sikkim state-a Inner Line Permit (ILP) system hman an phut thu an sawi nawn leh.

Thuchhuah siamin, "State sorkar chuan pawn lam mite dan loa an rawn lut pung zel tur venna atan ILP hman a nih thuai theihna turin hma a la tur a ni. Dan loa rawn lut pung zel hian state chhunga crime rate a tihsan phah a, khawtlangah harsatnate a awm phah bawk a ni," an ti.

Sikkim mipuite chu an state himna tura ṭangrual turin an chah a, hemi rual hian mi pakhat pawikhawihna thlenah a hnam pum leh pawl anga beih leh kawh rawn ṭhin lo turin an ngen bawk. "Hnam tinah mi ṭha leh mi fel chu an awm zel a, a ṭha lote kan hnawl rualin mi ṭhate erawh chu kan zah tur a ni," tiin an thuchhuahah an tarlang.