Assam leh AP-in ramri buaina chinfelna tur inremna ziak
Assam leh Arunachal Pradesh chuan ramri chungchanga an buaina neihte chinfelna tur inremna chu Ningani khan an ziak.
Assam chief minister Himanta Biswa Sarma leh Arunachal Pradesh chief minister Pema Khandu-ten inremna hi ziakin, he hun hi union home minister Amit Shah-a'n a telpui a ni.
State pahnihte hian ramri, km 804.1-a thui an nei a, nikum July 15 khan chief minister pahnihte hian an buaina chinfel tiamin, Namsai Declaration an lo ziak tawh a ni. Hemi hnu hian ramri chungchang buaipui tur regional committee an din a, anni hian an buaina neihna hmunte tlawhin inremna siam theih dan kawngte an ngaihtuah a ni.
Regional committee-te hian an state sorkarah ve ve report an thehlut leh a, heng rawtnate hi state pahnihte hian an inpawmtawn sak hnuah inremna hi an ziak ta a ni.
Sarma chuan inremna an ziak thei chu state pahnihte tana hlawhtlinna ropui tak a ni tih a sawi a, Khandu pawhin thil chhinchhiahtlak a nih thu a sawi bawk.