Assam-in Covid-19 test maktaduai khat nei tling tawh
Assam sorkar chuan coronavirus kai leh kai loh endikin sample maktaduai khat a test tling tawh.
Health minister Himanta Biswa Sarma chuan Covid-19 test maktaduai khat an neih tlin tawh thu hi sawiin, February 1 khan test neihna tur laboratory hmasa ber hi an siam a, tunah chuan laboratory 17 an nei tawh tih a sawi. Sorkarin test runpui neiin theihtawp a chhuah a, kar riat chuang hret hnuah sample maktaduai khat an test tling thei ta tih a sawi.
Assam-in sample a test zat hi mi maktaduai khatah 29,349 zel ang a ni a, India ramah test rate nei ṭha ber zingah a tel. State puma hri kai hmuh chhuah tawh hi 48161 an tling tawh a, an zinga 33,428 chu enkawl dam ni tawhin, hri kai enkawl mek 14,615 an la awm. Mi 115 chu Covid-19 vangin an thi tawh bawk a ni.