Tripura sorkarin zirlaite puala portal siam tlangzarh
Tripura education department chuan Thawhlehni khan zirlai, college admission tir turte puala portal siam a tlangzarh. Hemi hmang hian zirlaite chuan state chhunga sorkar college 22-ah online admission an ti thei dawn a ni.
Education minister Ratan Lal Nath chuan hri leng vanga zirlaiten harsatna an tawh mek tihziaawmna turin he ruahmanna hi siam a ni tih a sawi. College lut thar turte chuan he portal hmang hian, anmahni in aṭangin an college kal duhna tura admission an ti thei mai dawn a ni, a ti.
Zirlai pakhat hian online admission hi college 15 zingah a dil thei dawn a ni. Sorkar college-ah chuan registration fee, admission fee, college development fee, tution fee-te lak a ni dawn lo a, university registration fee chauh lak a ni ang.