Tripura-in New Delhi-ah lakhuihthei zawrhna siam dawn

Tripura sorkar chuan New Delhi-ah an state-a lakhuihthei tharchhuahte zawrhna hmun siam a tum.

Agriculture and farmers' welfare minister Ratan Lal Nath chuan international market-ah Tripura tharchhuah lakhuihthei demand a san chhoh zel avangin New Delhi-ah a zawrhna hmun siam tum a nih thu hi a sawi. "A bikin Middle East leh Europe ram aṭangin Tripura lakhuihthei demand hi a sang hle a ni," a ti.

Tripura sorkar hian a hma aṭangin an state tharchhuah lakhuihthei hi India ram chhung leh rampawn lama thehdarhna turin kawng hrang hrangin hma a lo la chho tawh a ni. National Horticulture Board (NHB) chuan Sepahijala district chu kum tluana lakhuihthei queen variety tharchhuahna hmunpuia siam tumin ruahmanna hrang hrang a siam bawk.

Queen pineapple hi Tripura state fruit-ah official-a puan a ni tawh a; Dubai, Doha leh ram dang eng emaw zatah an thawn chhuak tawh a ni.