Manipur CM-in five-star hotel sakna tur lungphum phum

Manipur chief minister N Biren Singh chuan Thawhṭanni khan an state-a five-star hotel hmasa ber tur sakna tur lungphum chu Imphal-ah a phum.

Chief minister chuan five-star hotel hi Imphal Hotel hmarlamah Class Group of Hotels PPP mode hnuaiah an siam dawn tih sawiin, kum 2025 Sangai Festival hmaa zawh hman tum a ni, a ti. World-class accomodation facility siam tur chuan state tourism sector lam pawhin a hlawkpui ngei tur thu a sawi.

Singh chuan Manipur chu hmarchhak bialah ramdang khualzinte'n an tlawh tam ber a ni chho mek tih CM chuan a sawi a, khualzin tam zawk hipna turin tourism sector lam tihchangtlun leh ngaih pawimawh chhoh zel a nih tur thu a sawi a ni.

Manipur-ah hian four-star hotel pakhat, Imphal-a Chingmeirong-ah Classic Grande a awm mek a, he luxury hotel hi Radission Individual member, Classic Group of Hotels-in a enkawl a ni.

Classic Group of Hotels chairman Th Dhabali chuan, five star hotel siam turah hian room 70, motor 150 dah theihna parking lot, mi 500 len theihna confernce hall te bakah, swimming pool, spa, club, gym, souvenir shop leh thil dangte siam a ni dawn tih a sawi.