Meghalaya : Hnathawh ṭhat loh vangin NHIDCL-in ARSS contract titawp

National Highways & Infrastructure Development Corporation Ltd. (NHIDCL) chuan Meghalaya-a Shillong-Dawki Road Project thawh mekah,ARSS Infrastructure Projects Ltd chu hna a thawh ṭhat tawk loh avangin a contract a titawp.

ARSS Infrastructure Projects Ltd hian he road project-a package II, Mylliem-Pynursla inkar a thawk a ni. Mahse an hnathawh a ṭhat loh avangin deputy chief miniter, in-charge PWD(Roads) Presstone Tysong chuan an contract hi tihtawp a nih thu a puang.

April 14 khan company-in kawng an siam mekna, Rnaign-ah leimin vangin mi pahnihin nunna an lo chan tawh a ni. Company hnathawh muang leh thawh ṭhat tawk loh vang hian sorkarah pawh complaint pawh a lut fo a, chhiatna thlen hnu hian state sorkar chuan NHIDCL hnenah ARSS contract titawp tur hian a ngen zui nghal bawk.

NHIDCL hian ARSS hnenah hian lehkha thawnin, project an thawh chhunzawm duh leh duh loh pawh a zawt a, ARSS lam hian an duh lo nia an sawi hnuah, contract hi an titawp a ni.