Assam : DNLA helpawl leh sorkarin inremna ziak

Assam-a helpawl, Dimasa National Liberation Army (DNLA) chuan Ningani khan New Delhi-ah sorkar laipui leh Assam sorkar chu inremna a ziahpui. Inremna ziahnaah hian union home minister Amit Shah leh Assam chief minister Himanta Biswa Sarma-ten an telpui a ni.

Memorandum of Understanding (MoU) an ziah hnuah, Amit Shah chuan DNLA nen inremna ziah a nih leh tak avangin, Assam-ah tribal helpawl an awm tawh lo tiha sawi.

Inremna an siam hnuaiah hian DNLA hian tharum thawhna an thlen ṭhinte titawpin, an ralthuamte sorkarah an pe lut ang a, an pawl ṭhiatin DNLA cadre-te chuan an camp-te an chhuahsan vek ang. DNLA armed cadre inpe tur hi 160 chuang an ni. State sokar chuan Dimasa tribal area tihhmasawnna turin Rs vbc 500 ve ve an pe ve thung dawn a ni.

Kum 2021 September thla khan DNLA hian thla ruk atan sorkar lakah inkahhai an lo puang tawh a, hei hi an pawtsei chhunzawm zel a ni.

DNLA hi kum 2019, April thlaa din niin, Dimasa tribal-te tana inrelbawlna hrang phutin, Dima Hasao district-ah an chetla ber ṭhin.